شاندێکی سەندیکای کارمەندانی تەندروستی کوردستان کە پێکھاتبون لە (جەبار محمد رەحیم) نەقیبی سەندیکا و (عیسی خانۆ) جێگری نەقیب و ژمارەیەک لە ئەندامانی دەستەی باڵا، بەمەبەستی پیرۆزبایی کردن لە دەست بەکاربوونی وەک بریکاری وەزارەتی تەندروستی سەردانی بەڕێز (دکتۆر رەھێل فەرەیدون) لە دیوانی وەزارەت کرد.
لە کۆبوونەوەیەکدا بریکاری وەزارەتی تەندروستی رۆلی کارمەندانی تەندروستی بەرز نرخاند لە ھەموو قۆناغە سەخت و قەیرانەکان لە ھەرێمی کوردستان و جەختیش لە ھەماھەنگی نێوان سەندیکا و وەزارەتی تەندروستی کرایەوە لە پێناو بەرەو پێش بردنی ئاستی خزمەتگوزاریە تەندروستیەکان و مافە پیشەیی و زانستییەکانی کارمەندانی تەندروستی .
