كێشه‌كان زۆرن به‌ڵام ته‌نها نۆرینگه‌كان دیارن
بيستون فتاح
پزیشكی‌ و كاری‌ بواری‌ ته‌ندروستی‌ له‌ دنیادا به‌ پیشه‌یه‌كی‌ پیرۆز ده‌ناسرێت، به‌ڵام ئه‌مرۆ پیرۆزی‌ ئه‌م پیشه‌ له‌لایه‌ن هه‌ندێكه‌وه‌ دراوه‌ته‌ به‌رده‌م گیژه‌لوكه‌ی‌ زراندن، ده‌رماتسازی‌ و پزیشكی‌ و كاری‌ ته‌ندروستی‌ ئاویته‌ی‌ ئه‌و ئاكاره‌ن كه‌ هه‌یكه‌لی‌ ویژدانی‌ زیندوی‌ به‌خشیوه‌ به‌ پیشه‌كانی‌ ته‌ندروستی‌ ,هۆكاری‌ پیرۆزی‌ ئه‌م پیشانه‌ش ده‌گه‌ریته‌وه‌ بۆ ئه‌وه‌ی‌ كه‌ راسته‌وخۆ په‌یوه‌ندی‌ به‌ ژیانی‌ تاكه‌كانی‌ كۆمه‌له‌وه‌ هه‌یه‌ دووره‌ له‌كاری‌ بازرگانی‌ كردن ،وه‌ گه‌ر بازرگانی‌ به‌م پیشانه‌وه‌ بكریت و ببنه‌ بازرگان وه‌ك ئه‌و حاله‌تانه‌ی‌ لیدیت كه‌ هاولاتیان له‌م هه‌ریمه‌ تی‌ ی‌ ده‌روانن وه‌ك پیشه‌لكاریه‌ك به‌رامبه‌ریان كرابیت ،وه‌ به‌و چاوه‌ له‌ پیشه‌ ته‌ندروستیه‌كات بروانن كه‌ سۆز و خزمه‌تی‌ تیدانیه‌ به‌لكو ئه‌م پیشانه‌ش وه‌ك پیشه‌كانی‌ تر ملكه‌چی‌ یاسای‌ خستنه‌بازار و داواكاریه‌ له‌سه‌ری‌ . ئایا كلینكه‌كان و شوینه‌ خزمه‌تگوزاریه‌ ته‌ندروستیه‌ تایبه‌تیه‌كان بونه‌ته‌ نوسینگه‌ یان هیشتا روكاره‌ پیرۆزیه‌كه‌ی‌ خۆی‌ ماوه‌: بۆ ئاماده‌كردنی‌ نوسینی‌ ئه‌م بابه‌ته‌م ته‌نها چه‌ند هاولاتیه‌كم دواند له‌سه‌ر سه‌ردیری‌ ئه‌م نوسینه‌ ،ته‌نها له‌ماوه‌ی‌ یه‌ك كاتژمیردا له‌ یه‌كیك له‌ شوینی‌ چاوه‌روانی‌ نه‌خۆشه‌كان له‌ كلیتكیكی‌ پزیشكیدا ،گه‌ر هه‌ر كه‌نالیكی‌ راگه‌یاندن ئه‌م كاره‌ی‌ من بكات به‌ ده‌یه‌ها نمونه‌ی‌ ده‌ست ده‌كه‌ویت له‌ هه‌موو شار و شارۆچكه‌كانی‌ هه‌ریمدا. خاتونیك كه‌ پیشه‌ی‌ فه‌رمانبه‌ره‌ به‌م جۆره‌ یاسی‌ له‌و پزیشكه‌ كرد كه‌ چاوه‌روانی‌ بینینی‌ بوو ((ئه‌م دكتۆره‌ كه‌ ده‌چیته‌ ژوره‌وه‌ بۆلای‌ سه‌ره‌تا له‌ نه‌خۆش داوای‌ پشكنینی‌ خوین ده‌كات،ده‌زانم له‌وانه‌یه‌ ئه‌م كاره‌ رۆتین بیت بۆ ئه‌وه‌ی‌ نه‌خۆشیه‌كه‌ ده‌ست نیشان بكات،به‌لام ئه‌وه‌ی‌ سه‌یره‌ ده‌ستنیشانی‌ ئه‌و تاقیگایه‌ ده‌كات كه‌ ده‌بیت پشكنینه‌كه‌ی‌ لیبكه‌یت،وه‌ یان ئه‌و سۆنه‌ره‌ی‌ خۆی‌ دیاری‌ ده‌كات ، هه‌موو خه‌لكیك ده‌زانیت ئه‌م مه‌به‌سته‌ پابه‌نده‌ به‌ شه‌ریكی‌ ئه‌و شوینانه‌ به‌ دكتۆره‌كه‌وه‌،هۆكاری‌ ئه‌مه‌یه‌ ئه‌و تیچونه‌ی‌ له‌بینینی‌ دكتۆریكدا نزیكه‌ی‌ سه‌د هه‌زار دیناری‌ ده‌ویت به‌ پاره‌ی‌ ده‌رمانه‌وه‌ ئه‌گه‌ر زیاتر نه‌بیت، كه‌واته‌ كاری‌ پیرۆزی‌ چی‌ ئه‌وه‌ی‌ تۆ ده‌یلیت ئه‌م كاره‌ روتانه‌وه‌ی‌ داهاتی‌ نه‌خۆشه‌)) ئه‌و ژنه‌ی‌ له‌ ته‌نیشت ئه‌م خانمه‌وه‌ دانیشتبوو به‌رده‌وامیدا به‌ باسه‌كه‌ و ووتی‌((كلینكی‌ زۆربه‌ی‌ پزیشكه‌كان به‌س له‌ كلینك ناچن، هیچ بنه‌مایه‌كی‌ حه‌سانه‌وه‌ی‌ نه‌خۆشی‌ تیانیه‌ ،ته‌نها چه‌ند كورسیه‌كی‌ پلاسنیكی‌ ره‌ق و ته‌پیان داناوه‌، ته‌نانه‌ت كه‌سی‌ ساغیش بینه‌ ئیره‌ ته‌حه‌مولیان نامینیت، شوینی‌ ته‌سك نا خاوین ،قه‌ره‌بالغ،هه‌وا گۆركی‌ نیه‌ ،ئیمه‌ عیاده‌ی‌ وولاتانی‌ ترمان بینیوه‌ ئه‌م شوینانه‌ بۆ نه‌خۆشكه‌وتنی‌ هاولاتیه‌ نه‌ك چابونه‌وه‌ی‌،ئه‌و ماوه‌ دریژه‌ چاوه‌روان ده‌كه‌یت ناتوانیت بچیته‌ ته‌والیت چونكه‌ یان ته‌والیتی‌ نیه‌ گه‌ر هه‌یبیت هه‌موو خه‌لكه‌كه‌ پیت ده‌زانیت ،بۆنی‌ نزیكه‌ له‌ خه‌لكه‌وه‌ به‌راستی‌ باس ناكریت)) مه‌به‌ستم بوو چه‌ند نه‌خۆشیكی‌ تر بدوینم ، به‌تایبه‌ت ئه‌‌وو خانمانه‌ی‌ دووگیان بون وه‌ ماوه‌یه‌كی‌ زۆر بوو به‌ پیوه‌ وه‌ستابون ،ئه‌و گازندانه‌ی‌ ئه‌وان هه‌یان بوو زۆرتر بوو له‌وانی‌ پیشوتر ،عه‌ر له‌ چونه‌ ژوره‌وه‌یان بۆلای‌ پزیشكه‌كه‌،په‌له‌كردنی‌ بینین ،یه‌كیك له‌و نه‌خۆشانه‌ ووتی‌ ((من له‌ماله‌وه‌ پیش ئه‌وه‌ی‌ بیم گیروگرفته‌كانم ده‌نوسمه‌وه‌، ده‌زانم په‌له‌م لیده‌كه‌ن له‌به‌رده‌م دكتۆره‌كه‌ ده‌یخوینمه‌وه‌ ،دكتۆره‌كه‌شم هانم ده‌دا له‌سه‌ر ئه‌و كاره‌م به‌باشی‌ ده‌زانیت، له‌ دنبا نه‌بوه‌ دوونه‌خۆش به‌یه‌كه‌وه‌ ده‌چینه‌ ژوره‌وه‌ نه‌تیجه‌یكیش ده‌بیت به‌بار به‌سه‌رته‌وه‌)) كۆمه‌لیك پیاو له‌گه‌ل ئه‌و ژنانه‌ هاتبوون له‌سه‌ر پلیكانه‌ی‌ كلینكه‌كه‌ دانیشتبون ،له‌ قوتابیانی‌ بنه‌ره‌تی‌ ئه‌چون یه‌ك به‌دوای‌ یه‌ك پله‌ به‌ قله‌ ریزبوبون،یه‌كیك له‌و كه‌سانه‌ له‌سه‌ر باری‌ كه‌رتی‌ گشتی‌ ناو نه‌خۆشخانه‌كانیش ووتی‌((ئه‌و وینه‌ خراپه‌ی‌ بۆ ته‌خۆشخانه‌ و كلینكه‌ حكومیه‌كان دروست بوه‌ وای‌ كردوه‌ هاولاتیان متمانه‌یان به‌ نه‌خۆشخانه‌كان نه‌بیت بۆیه‌ دین سه‌ردانی‌ كلینكه‌ تایبه‌ته‌كان ده‌كه‌ن به‌م جۆره‌، هه‌ر ئه‌م هۆكاره‌شه‌ بۆته‌ هۆی‌ نرخی‌ كلیتكه‌ تایبه‌ته‌كان به‌رزببیته‌وه‌، له‌گه‌ل ئه‌وه‌ی‌ نه‌خۆشخانه‌كان ئامیری‌ پیشكه‌وتوتریان هه‌یه‌ و ستافی‌ زیاتریان هه‌یه‌، به‌مه‌رجیك زۆرینه‌ی‌ ئه‌م دكتۆرانه‌ له‌و شوینه‌حكومیانه‌ ده‌وام ده‌كه‌ن،به‌لام ئه‌و خزمه‌ته‌ ناكه‌ن ئه‌وه‌ی‌ لیره‌ ده‌یكه‌ن)) یه‌كیكی‌ تریان كه‌ له‌سه‌ر وتر دانیشتبوو ووته‌كانی‌ ته‌واوكرد((داموده‌زگای‌ ته‌ندروستی‌ حكومه‌ت زۆره‌ به‌تایبت كه‌م ده‌رامه‌ته‌كان سه‌ردانی‌ بكه‌ن، له‌كاتیكدا ئه‌و شوینانه‌ بێ‌ كه‌موكوری‌ بن، وه‌ك كه‌می‌ گرنگیدان به‌ پشكنینی‌ نه‌خۆشه‌كه‌ له‌لایه‌ن پسپۆری‌ تایبه‌ته‌وه‌، به‌لكو له‌لایه‌ن پزیشكیكه‌وه‌ ده‌پشكینریت كه‌ خۆی‌ له‌ خولی‌ فیربوندایه‌،نه‌بونی‌ ده‌رمانی‌ كوالیتی‌ به‌رز هه‌ندیك له‌ دكتۆره‌كان ره‌چه‌ته‌ ده‌نوسن كه‌ له‌ ده‌ره‌وه‌ بیكریت، نه‌بونی‌ كات پزیشكه‌ پسپۆره‌كه‌ دوو كاتژمیر نه‌خۆش ده‌بینیت له‌ماوه‌ی‌ ئه‌و دووكاتژمیره‌دا زیاتر له‌ په‌نجا نه‌خۆش ده‌بیتیت، نه‌خۆش بۆی‌ نیه‌ ده‌ستنیشانی‌ دكتۆر بكات، ئه‌گه‌ر دكتۆره‌كه‌ كاریكی‌ هه‌بیت نه‌خۆشه‌كان نابینیت)) كه‌سیكی‌ تریان هاته‌ ریزی‌ گفتوگۆكه‌وه‌ به‌بیانوی‌ ئه‌وه‌ی‌ نوكته‌یه‌كی‌ خۆشی‌ هه‌یه‌ كه‌ به‌سه‌ر خۆیدا هاتبوو ووتی‌ ((سه‌ردانی‌ پزیشكیكی‌ پیستم كرد له‌یه‌كیك له‌ ده‌زگا حكومیه‌كان ،زیبكه‌ له‌لای‌ رانم دروست بوبوو،كه‌ كاتی‌ ئه‌وه‌ هات بچمه‌ ژوره‌وه‌ ژنیك و پیاویكی‌ تریشیان كرده‌ ژوره‌وه‌، كاتیك دكتۆره‌كه‌ پرسی‌ چیته‌ ووتم سه‌رم دیشیت،هه‌ربۆیه‌ دكتۆره‌كه‌ توره‌بوو ووتی‌ ئیره‌ شوینی‌ نه‌خۆشیه‌كانی‌ پیسته‌،خۆ نه‌ده‌بوو له‌به‌رچاوی‌ ئه‌واندا پانتۆله‌كه‌م داكه‌نم)) بۆچی‌ هاولاتی‌ خۆی‌ بۆته‌ دكتۆر و بێپرس به‌ پسپۆر ده‌رمان ده‌كریت: ده‌رمان واته‌ ئه‌و ئاله‌ته‌ كیمیاویه‌ی‌ نه‌خۆشی‌ پی‌ چاكده‌كریته‌وه‌ یان ئاستی‌ نه‌خۆشیه‌كه‌ی‌ پێ كه‌مده‌كریته‌وه‌ ،پیویسته‌ ده‌رمان كه‌سی‌ دكتۆر یان پسپۆر بینوسێت ،وه‌ له‌ شوینی‌ تایبه‌ت به‌ ره‌چه‌ته‌ی‌ تایبه‌ت بدریت به‌ نه‌خۆش،كه‌ زانیاری‌ ته‌واو ده‌به‌خشریت به‌نه‌خۆشه‌كه‌ له‌سه‌ر ده‌رمانه‌كه‌. یه‌كیك له‌ دكتۆری‌ ده‌رمانسازی‌ نزیك ئه‌و كلینكه‌ی‌ چاوپیكه‌وتنه‌كه‌م تیاكرد ووتی‌ ((وای‌ لیهاتوه‌ نه‌خۆش یان هاولاتی‌ خۆی‌ ده‌زانیت چی‌ ده‌ویت،بۆ نمونه‌ ناوی‌ ده‌رمانی‌ دژه‌ هه‌وكردنه‌كان ده‌زانیت و داوای‌ ده‌كات گه‌ر ده‌رمانسازیك نه‌یداتی‌ ده‌چیته‌ لای‌ یه‌كیكی‌ تر تا ده‌ستی‌ ده‌كه‌ویت،قوتوی‌ ده‌رمانی‌ دل و شه‌كره‌ی‌ پییه‌ و ده‌لیت له‌م جۆره‌ به‌كار دینم،زۆربه‌ی‌ ئه‌و ده‌رمانانه‌ به‌بی‌ ره‌چه‌ته‌ وه‌رده‌گرن،له‌گه‌ل ئه‌وه‌ی‌ ئه‌م دیارده‌یه‌ له‌گه‌ل یاسا و رینماییه‌كان ناگونجیت، ئیمه‌ یاسا ته‌نها ئه‌و ده‌رمانانه‌ ریگامان پیده‌دات كه‌ ئازارشكینی‌ ساده‌ن وه‌ك باراستیمول و فلوئاوت و یانادول،به‌لام له‌ راستیدا ده‌رمان سه‌رفكردن بۆته‌ بازرگانی‌ ،نایشارمه‌وه‌ هاولاتیان هه‌موویان حه‌زده‌كه‌ن ده‌رمان به‌بی‌ ره‌چه‌ته‌ وه‌ربگرن،نازانن ده‌رمان چه‌ند مه‌ترسیداره‌ )) هاولاتیه‌ك له‌و ده‌رمانخانه‌یه‌ ووتی‌ ((خه‌تای‌ خه‌لك نیه‌ خه‌لك داهاتی‌ دیاریكراوه‌،ناتوانیت هه‌موو كاتیك بچیته‌ لای‌ دكتۆر زۆری‌ تیده‌چیت،هه‌ندیكیان ده‌چنه‌ ده‌رمانخانه‌و له‌ دكتۆری‌ ده‌رمانخانه‌كه‌ ده‌پرسن ده‌رمانیكی‌ پیبدات بۆ كیشه‌كه‌ی‌،وه‌ یان ده‌رمانیكی‌ هه‌بوه‌ و پیشوتر تاقی‌ كردۆته‌وه‌ یان كه‌سیكی‌ تر تاقیكردۆته‌وه‌،له‌گه‌ل ئه‌وه‌ی‌ هه‌ندیك ده‌رمان هه‌ن به‌بی‌ ره‌چه‌ته‌ سه‌رف ناكریت)) خانمیكی‌ نر له‌هه‌مان ده‌رمانخانه‌ ووتی‌((گرانی‌ تیچونی‌ عه‌یاده‌ و دوباره‌بونه‌وه‌ی‌ به‌كارهینانی‌ ده‌رمانه‌كان له‌لای‌ خه‌لك،زۆری‌ نه‌خۆشیه‌كان،بۆته‌ هۆكاری‌ ئه‌وه‌ی‌ خه‌لك بۆخۆی‌ ده‌رمان بكریت،به‌لام له‌لایه‌ن ده‌رمانخانه‌كانیشه‌وه‌ ریگا پیدراوه‌ ،ده‌رمانخانه‌كان زۆر نزیكن له‌ یه‌كه‌وه‌ ئه‌گه‌ر یه‌كیكیان نه‌یدا به‌ خه‌لك به‌بی‌ ره‌چه‌ته‌ ئه‌وا ئوی‌ تریان ده‌یدا،بۆته‌ منافه‌سه‌ی‌ بازرگانی‌ ،ده‌رمانخانه‌یه‌ك ده‌رمان به‌بی‌ ره‌چه‌ته‌ نایات كه‌ دكتۆری‌ زۆر ره‌چه‌ته‌ی‌ بۆ بنیرن،به‌لام ئیستا له‌ بازاردا ده‌رمانخانه‌كان له‌ نانه‌وخانه‌ زیاتره‌، گه‌ره‌كی‌ واش هه‌یه‌ ده‌رمانخانه‌ی‌ تیایه‌ و یه‌ك دكتۆری‌ لییه‌،بۆیه‌ ناچاره‌ بۆ سه‌رفكردنی‌ ده‌رمانه‌كه‌ی‌ به‌بی‌ ره‌چه‌ته‌ بیفرۆشیت)) كه‌سیكی‌ تر له‌ هه‌مان شوین له‌سه‌ر ئه‌م بابه‌ته‌ ووتی‌((ده‌رمانخانه‌كان بۆته‌ بازرگانی‌،بازرگانیه‌كی‌ باشیش،گرنگ ئه‌وه‌یه‌ ز ۆرترین داهاتی‌ فرۆشتن هه‌بیت، ئه‌م كاره‌ش هیچ كه‌مبونه‌وه‌یه‌كی‌ پیوه‌ دیارنییه‌، ده‌رمانسازیش وه‌ك ئه‌ندازیاری‌ و پاریزه‌ری‌ و ..هتد گرنگ ئه‌وه‌یه‌ ده‌ستكه‌وت یان قازانج بكه‌یت)) ده‌رمانسازه‌كه‌ له‌سه‌ر ووته‌ی‌ ئه‌و هاولاتیانه‌ ووتی‌((هه‌ندیك ده‌رمان هه‌ن به‌بی‌ ره‌چه‌ته‌ی‌ پزیشك سه‌رف ناكرین،كه‌ ده‌زانین كه‌سیك داوای‌ چه‌ند دانه‌یه‌ك له‌ ده‌رمانیكی‌ ساكاریش بكات نایده‌ینی‌)) نورینگه‌كان جمه‌یان دێت له‌ هاولاتیان: سه‌ره‌رای‌ بونی‌ ده‌زگا خزمه‌تگوزاریه‌ ته‌ندروستیه‌حكومیه‌كان و كلینك و نه‌خۆشخانه‌ تایبه‌ته‌كان له‌ هه‌رێمی‌ كوردستاندا وه‌ك چه‌نده‌ها وولاتی‌ هاوشیوه‌ی‌ هه‌ریم ،ده‌زگایه‌كی‌ خزمه‌تگوزاری‌ ته‌ندروستی‌ تر هه‌یه‌ كه‌ پی‌ی‌ ده‌وتریت نورینگه‌كان، نورینگه‌كان له‌ گشت شار و شارۆچكه‌كانی‌ هه‌ریمدا هه‌ن ،ئه‌م نۆرینگانه‌ مۆله‌تیان له‌ سه‌ندیكایی‌ كارمه‌ندانی‌ ته‌ندروستیه‌وه‌ وه‌رگرتوه‌، نورینگه‌كان له‌لایه‌ن كارمه‌ندیكی‌ ته‌ندروستیه‌وه‌ به‌ریوه‌ ده‌چێت، كه‌ پیشه‌ی‌ جیاوازیان هه‌یه‌ ،وه‌ك په‌رستاری‌ ئاماده‌یی‌ و په‌رستاری‌ په‌یمانگا و یاریده‌ری‌ پزیشك و یاریده‌ده‌ری‌ ده‌رمانساز و چه‌ند پیشه‌یه‌كی‌ تر.. نۆرینگه‌كان له‌ شارۆچكه‌كان واته‌ قه‌زا و ناحیه‌ و گونده‌كان به‌شێوه‌یه‌كی‌ فراوان هه‌ن، وه‌ له‌م شوینانه‌ زیاتر ده‌ستكراوه‌ و سه‌ربه‌ستن ،نورینگه‌كانی‌ ئه‌م شوینانه‌ گه‌وره‌ن و هه‌موو جۆره‌ ده‌رمانیك و چاره‌سه‌ریكیان هه‌یه‌ ،ئه‌م نۆرینگانه‌ به‌شی‌ زۆرینه‌ی‌ كه‌رتی‌ تایبه‌تی‌ خزمه‌تگوزاری‌ ته‌ندروستی‌ پیك ده‌هینن له‌م شوینانه‌، حكومه‌تیش و وه‌زاره‌تی‌ ته‌ندروستیش چاوی‌ له‌ رینمایی‌ و یاساو بریاره‌كان داخستوه‌ و نۆرینگه‌كان به‌ ئازادی‌ كاری‌ خۆیان ده‌كه‌ن ،هۆكاری‌ ئه‌وه‌ی‌ وه‌زاره‌تی‌ ته‌ندروستی‌ چاوپۆشی‌ له‌ نۆرینگه‌كانی‌ ئه‌م ناوچانه‌ ده‌كات ده‌گه‌ریته‌وه‌ بۆ ئه‌وه‌ی‌ زۆرینه‌ی‌ ئه‌م ناوچانه‌ پزیشكی‌ تیانیه‌ ،وه‌گه‌ر پزیشكیشی‌ تیابیت ژماره‌یان كه‌مه‌ پیراناگه‌ن هه‌موو هاولاتیان چاره‌سه‌ربكه‌ن ،هه‌ربۆیه‌ له‌ زۆر شوین پزیشكی‌ ده‌رمانسازیشی‌ لی نیه‌ و كارمه‌ندانی‌ ته‌ندروستی‌ هه‌موو ده‌رمانیك سه‌رف ده‌كات و یاساكه‌ی‌ په‌رله‌مانی‌ كوردستانیش ده‌شكینیت و پزیشكه‌ ده‌رمانسازه‌كانیش وورته‌یان لینایه‌ت ،به‌مه‌رجێك هه‌مان كارمه‌ندی‌ ته‌ندروستی‌ كار به‌و ده‌رمانانه‌ ده‌كات كه‌ گه‌ر له‌ شاره‌ گه‌وره‌كاندا بیكات ئه‌وا دژی‌ یاسای‌ په‌رله‌مان و وه‌زاره‌تی‌ ته‌ندروستیه‌. نۆرینگه‌كانی‌ شاره‌ گه‌وره‌كان سه‌ره‌رای‌ ئه‌وه‌ی‌ ژماره‌یه‌كی‌ زۆر هاولاتیان بۆ چاره‌سه‌ركردن پشتیان پیبه‌ستون ،نورینگه‌ی‌ وا هه‌یه‌ له‌ شاری‌ سلیمانیدا به‌راورد به‌كاری‌ پزیشكان له‌ كلیتكی‌ تایبه‌تیاندا ،له‌وان زیاتر نه‌خۆش و هاولاتی‌ سه‌ردانیان ده‌كات ،نورینگه‌ی‌ شاره‌ گه‌وره‌كانیش زۆرن له‌گه‌ل ئه‌وه‌ی‌ به‌رده‌وام دژایه‌تیان ده‌كریت و هه‌ر رۆژه‌ی‌ به‌ بیانویه‌ك ده‌یانه‌ویت دایانخه‌ن. وه‌زاره‌تی‌ ته‌ندروستی‌ له‌ژیر پاله‌په‌ستۆیه‌كی‌ زۆری‌ پزیشكاندایه‌ به‌ تایبه‌ت پزیشكانی‌ ده‌رمانساز كه‌ ده‌بیت ئه‌و نۆرینگانه‌ دابخریت، پزیشكانی‌ ده‌رمانساز یاسایه‌كی‌ په‌رله‌مانی‌ كوردستان ده‌كه‌نه‌ پاكانه‌ی‌ داخستنی‌ ئه‌و شوینانه‌ ،كه‌ به‌پی‌ ی‌ ئه‌و یاسایه‌ بیت ته‌نها پزیشكانی‌ ده‌رمانساز بۆیان هه‌یه‌ ده‌رمان سه‌رف بكه‌ن ،به‌لام ئه‌م یاسایه‌ له‌ قه‌زاو ناحیه‌كان شه‌رعیه‌تی‌ نامینیت له‌به‌رئه‌وه‌ی‌ له‌و شوینانه‌ پزیشكی‌ ده‌رمانسازی‌ لینیه‌ . ته‌نانه‌ت له‌ ناو شاره‌ گه‌وره‌كانیشدا ده‌رمانخانه‌كانی‌ نه‌خۆشخانه‌كان كارمه‌ندی‌ ته‌ندروستی‌ زۆرینه‌ی‌ ستاف و پیكهاته‌ی‌ پیك دینیت و ده‌رمان سه‌رف ده‌كات وه‌ له‌ مه‌لبه‌ند و بنكه‌ ته‌ندروستیه‌كان كارمه‌ندی‌ ته‌ندروستی‌ ده‌رمانخانه‌كان به‌ریوه‌ ده‌بات و له‌م شوینانه‌ شه‌رعیه‌تی‌ نامینیت . كه‌واته‌ شه‌رعیه‌تی‌ یاسایه‌ك له‌ زۆربه‌ی‌ ناوچه‌كانی‌ هه‌ریمی‌ كوردستان بونی‌ نه‌بیت و جیبه‌جی‌ نه‌كریت ،بۆ ده‌بیت ببیته‌ پاكانه‌ به‌سه‌ر چه‌ند نۆرینگه‌یه‌كدا كه‌ زۆرترین كاری‌ هاولاتیان به‌ریوه‌ ده‌به‌ن. دوا بریاری‌ وه‌زاره‌تی‌ ته‌ندروستی‌ حكومه‌تی‌ هه‌ریم له‌سه‌ر نورینگه‌كان: ئه‌م بریاره‌ چه‌ند رینمایه‌كی‌ نوی‌ ی‌ له‌ خۆ گرتوه‌ سه‌باره‌ت به‌ كاری‌ نورینگه‌كانه‌وه‌ ،كه‌ له‌رۆژی‌ چوارشه‌ممه‌ ریكه‌وتی‌ 19/2/2014 راگه‌یه‌نرا: وه‌ك كارمه‌ندیكی‌ ته‌ندروستی‌ ئه‌م چه‌ند خاله‌ ده‌خه‌مه‌ روو له‌سه‌ر بریاره‌كه‌: یه‌كه‌م/ وه‌زاره‌تی‌ ته‌ندروستی‌ بۆ چاره‌سه‌ركردنی‌ ره‌وشی‌ باری‌ ده‌رمان گه‌لێك دیارده‌هه‌یه‌ پیویستی‌ به‌ رینمایی‌ و بریار هه‌یه‌ ده‌كرا ئه‌و خالانه‌ش دیاری‌ بكرایه‌ ،وه‌ك ئه‌وه‌ی‌ كارمه‌ندی‌ ته‌ندروستی‌ بۆی‌ نیه‌ ئه‌و ده‌رمانانه‌ سه‌رف بكات له‌و 18 ماده‌یه‌ زیاتر كه‌ ده‌ستنیشان كراوه‌ ،ده‌بیت زامنی‌ ئه‌و شوینانه‌ش بكات كه‌ پزیشكی‌ ده‌رمانسازی‌ لینیه‌ و ده‌رمان سه‌رف ده‌كریت. دووه‌م/ زۆر ده‌رمانخانه‌ش هه‌یه‌ به‌بی‌ ره‌چه‌ته‌ی‌ پزیشك ده‌رمان سه‌رف ده‌كه‌ن ده‌بیت ئه‌وانیش بۆیان نه‌بیت ده‌رمان سه‌رف بكه‌ن به‌بی‌ ره‌چه‌ته‌ . سییه‌م /ئه‌م بریاره‌ بۆ ماوه‌ی‌ یه‌ك ساله‌ مه‌به‌ست له‌و ساله‌ش ده‌رچونی‌ بریكی‌ تر له‌ پزیشكانی‌ ده‌رمانسازه‌و دامه‌زراندنیان تا ئه‌و شوینانه‌ بگرنه‌وه‌ كه‌ كارمه‌ندی‌ ته‌ندروستی‌ به‌ریوه‌ی‌ ده‌بات . چواره‌م /ده‌بوایه‌ وه‌زاره‌تی‌ ته‌ندروستی‌ ده‌رماله‌ی‌ مه‌ترسی‌ ئه‌و كارمه‌ندانه‌ش بكاته‌ 100%كه‌ كاری‌ پزیشكی‌ ده‌رمانساز ده‌كه‌ن له‌و شوینانه‌ی‌ پزیشكی‌ ده‌رمانسازی‌ لینیه‌ ،وه‌ك یاریده‌ده‌ری‌ بیهۆشكاریه‌كان . له‌ دوابه‌شی‌ ئه‌م نوسینه‌دا ده‌بوایه‌ سه‌ندیكای‌ كارمه‌ندانیش بریاری‌ ره‌زامه‌ندی‌ ده‌ر نه‌بریایه‌ له‌سه‌ر ئه‌م بریاره‌ ، به‌تایبه‌ت كه‌ ژماره‌یه‌كی‌ زۆری‌ كارمه‌ندانی‌ ته‌ندروستی‌ كاریان نامینیت كه‌ پیشه‌یان په‌رستاری‌ ئاماده‌ییه‌ ، وه‌مۆله‌تی‌ ته‌ندروستی‌ سالی‌ 2014 یان بۆ تازه‌ كراوه‌ته‌وه‌
ژماره‌ی بینین:
1655
به‌روار:
01/03/2014
بیروڕاکان
هیچ داتایه‌ک به‌رده‌ست نیه‌ .
کۆمێنتی خۆت بنێره‌