مۆندیالی‌ ده‌رمان فرۆشتن
بيستون فتاح
له‌گه‌ڵ ده‌سپێكردنی‌ مۆندیالی‌ به‌رازیلدا و چاوه‌روانیكردنی‌ هه‌موو هانده‌رانی‌ تۆپی‌ پێ‌ بۆ سه‌ركه‌وتنی‌ تیپی‌ پێیه‌كانیان، وه‌ نائومێدی‌ هاوڵاتیانی‌ كورد كه‌ تا ئێستا ئێمه‌ش وه‌ك نه‌ته‌وه‌كانی‌ تری‌ سه‌رووی‌ زه‌وی‌ هه‌ڵبژارده‌یه‌كمان نیه‌ به‌ناوی‌ هه‌ڵبژارده‌ی‌ كوردستانه‌وه‌، له‌ولاشه‌وه‌ كوردستانی‌ باشوور ده‌رگای‌ به‌ختی‌ كراوه‌ته‌وه‌ و چاوه‌رێی‌ هه‌نگاوی‌ چاره‌نوسسازه‌ بۆیه‌كه‌مین جار سه‌ربه‌خۆی‌ خۆی‌ رابگه‌یه‌نێت و ئامانجی‌ ملیۆه‌نه‌ها شه‌هید و بریندار و په‌كه‌وته‌ و نه‌وه‌ی‌ كۆن و نوێ‌ بێته‌ دی‌ ئه‌ویش دروستبونی‌ كیانی‌ سه‌ربه‌خۆیی‌ كورده‌،كیانێك وه‌ك ئه‌وه‌ وایه‌ گولێك له‌ناو بیابان بروێنین له‌ناو چقلی‌ دركی‌ حوشتر خۆره‌ی‌ چه‌نده‌ها دوژمنی‌ سه‌رسه‌ختی‌ وه‌ك عه‌ره‌ب و تورك و فارس. ئا له‌م رۆژانه‌دا له‌گه‌ڵ ئه‌وه‌ی‌ هه‌موو كه‌سێك چاوی‌ له‌ هێرشی‌ داعش و ماعشه‌،ژنان له‌ قرچه‌ی‌ گه‌رمای‌ هاویندا له‌ پشده‌ر هه‌گبه‌ی‌ نان بۆ پێشمه‌رگه‌ ده‌پێچنه‌وه‌ ،له‌ خانه‌قین سه‌ره‌رای‌ ده‌نگی‌ هاوه‌ن و دیمه‌نی‌ برینداران ستافی‌ تاقانه‌ نه‌خۆشخانه‌كه‌یان به‌بێ ‌مووچه‌ (ئه‌وان مووچه‌یان ده‌بیت له‌ دیاله‌وه‌ بۆ بێت كه‌ ئێستا په‌یوه‌ندی‌ پچراوه‌) 24 كاتژمێر ده‌وام ده‌كه‌ن به‌ پاره‌ی‌ گیرفان و قوتی‌ منداڵه‌كانیان پێداویستی‌ نه‌خۆشخانه‌ ده‌كرن، له‌و كه‌ركوكه‌ی‌ دل و قودس و كه‌عبه‌ی‌ نه‌ته‌وه‌ی‌ كورده‌ چه‌ند كیلۆمه‌ترێك له‌ ماڵانی‌ هاونیشتمانه‌كانمانه‌وه‌ به‌ قه‌ناس نیشانه‌ له‌ مرۆڤه‌كان ده‌گیرێت بۆ ئه‌وه‌ی‌ ناوچاوانیان بپێكن، ته‌نها له‌به‌رئه‌وه‌ی‌ كوردن ،مه‌لۆتكه‌ی‌ ترس بۆته‌ دێوه‌زمه‌ی‌ خه‌وی‌ هه‌موو تاكیكی‌ كورد له‌ هه‌رچوار پارچه‌كه‌ی‌ كوردستان و هه‌موو ئه‌و ماڵانه‌ی‌ كه‌ كوردێكی‌ لێیه‌ له‌م جیهانه‌. ئاله‌م كاته‌دا لقی‌ سلێمانی‌ سه‌ندیكای‌ ده‌رمانسازان هه‌ڵمه‌تی‌ تۆله‌سه‌ندنه‌وه‌ ده‌هاوژن ،مانده‌گرن، ده‌وام ناكه‌ن، به‌یاننامه‌ ده‌رده‌كه‌ن، له‌وانه‌یه‌ بپرسن دژ به‌ دوژمنان و داعش، دژ به‌ وانه‌ی‌ رۆله‌ی‌ خوێندكارانی‌ كورد ده‌رفینن، دژ به‌و تیرۆرستانه‌ی‌ شوفیرانه‌ی‌ كورد زینده‌به‌چاڵ ده‌كه‌ن ئه‌و شۆفیرانه‌ی‌ بۆ بژێوی‌ خێزانه‌كانیان نه‌فه‌ر بۆ باشوری‌ عیراق ده‌گواستنه‌وه‌، دژ به‌ نازانم چۆن وه‌سفی‌ بكه‌م ته‌نها ده‌ڵێم ئه‌وانه‌ی‌ رۆڵه‌ی‌ كورد وه‌ك مریشك سه‌رده‌برن، نه‌خیر دژ به‌و كارمه‌نده‌ ته‌ندروستیانه‌ی‌ كه‌ نۆرینگه‌یان هه‌یه‌ وه‌ ته‌شهیر به‌ كارمه‌ندانی‌ ته‌ندروستی‌ ده‌كه‌ن. چاوپێکەوتنەکەی کەناڵی CNN لەگەڵ خاوەنی یەکێك لە عیادە لاکۆڵانەکان: سەرەتا پێویستە ئاماژە بەوە بکەم کە کەناڵەکە داوای چاوپێکەوتنی کردووە نەوەکو خاوەنی ئەو عیادەیە ئەوەش خۆی بۆ خۆی شتێکی گرنگە. دوای ئەوەی کە دەنگ و باسی تێکەڵەکەی دكتۆر خالید لە هەموو ئەمریکا بڵاوبوویەوە کە چۆن فەوری و بە یەك دەرزی!، بەڵی بە تەنها یەك دەرزی تەندروستی مستەر جۆن کیری ١٨٠ پلە گۆڕی. ده‌قی‌ نوسینی‌ یه‌كێك له‌و ده‌رمانسازانه‌یه‌ كه‌ به‌ناره‌وا كه‌وتۆته‌ هێرشبردنه‌ سه‌ر كارمه‌ندانی‌ ته‌ندروستی‌، هاوڵاتیان چاوه‌ری‌ ئه‌وه‌ ده‌كه‌ن بزانن وه‌زیری‌ ده‌ره‌وه‌ی‌ ئه‌مه‌ریكی‌ چی‌ له‌ هه‌گبه‌كه‌یدایه‌ له‌سه‌ر ره‌وشی‌ جوڵانه‌وه‌ی‌ نه‌ته‌وه‌كه‌مان به‌لام ئه‌م به‌رێزه‌ هه‌موو میشكی‌ له‌لای‌ ئه‌و چه‌ند دۆلاره‌یه‌ له‌ بازرگانی‌ ده‌رمانفرۆشتن كارمه‌ندانی‌ ته‌ندروستی‌ ده‌ستیان ده‌كه‌وێت و ده‌بێت ئه‌و كاره‌ بنبر بكه‌ن بۆ ئه‌وه‌ی‌ ئه‌و چه‌ند دۆلاره‌ بچێته‌ گیرفانیانه‌وه‌ . من ده‌پرسم ئیستا كام كێشه‌یه‌ پێشینه‌یه‌ داعش و شیعه‌ و خاك رزگاركردن و سه‌ربه‌خۆیی‌ یان داهاتی‌ چه‌ند ده‌رزیه‌ك و چه‌ند حه‌بێك، له‌جیات ئه‌وه‌ی‌ ده‌ست له‌ناوده‌ستی‌ كارمه‌ندانی‌ ته‌ندروستی‌ بچن به‌ هه‌نای‌ ئازاری‌ ئه‌و پێشمه‌رگه‌ لاوانه‌ی‌ كه‌ وازیان له‌ هه‌موو خۆشیه‌كانی‌ ژیان هێناوه‌ سنگیان ناوه‌ به‌ سه‌نگه‌ری‌ سوربوه‌ی‌ به‌ر هه‌تاوی‌ چۆلی‌ قولفه‌وه‌، ئه‌وانه‌ی‌ به‌ر هه‌وای‌ سپلتیان به‌جێ‌ هێشتوه‌، ئه‌وانه‌ی‌ گه‌رمی‌ باوه‌ش و ته‌لیسمی‌ نه‌رمی‌ په‌نجه‌ و بزه‌ی‌ چاویان به‌جێ‌ هێشتوه‌، پێویسته‌ ئێمه‌ هه‌موان خزمه‌تكاریان بین یان باس له‌و داهاته‌ بكه‌ین كه‌ له‌ماڵ و منداڵه‌كانیان وه‌ربگرین. مافی نه‌خۆشه كه له ﻻیه‌ن بزیشكی پسپۆره‌وه ببینرێت و چاره‌سه‌ر بكرێ، نه‌ك سه‌قه‌ت بكرێن له‌م ﻻكۆڵانانه و دواتر دكتۆر سه‌قه‌تیه‌كه‌ی كارمه‌نده‌كان بونه‌ته هۆكاری جاك بكاته‌وه، باشه پێم سه‌یره ئه‌و خه‌ڵكه یاسا نیه رێی لێ بكرێ، ئه‌ی له خوای جیهانیان ناترسێ؟ باشه كه موحاسه‌به‌ی ئه‌كا بۆچی خۆی كردوه به دكتۆر به سه‌ر ئه‌و خهڵكه داماوه وه جوابی چی ئه‌بێ! له‌به‌ر پاره‌ی حه‌رام! له و سه‌رشۆریه‌ی ئه‌و رۆژه یان كام پاره حه‌رامه فریایان ئه‌كه‌وێ. ئه‌مه‌ش ده‌قی‌ نوسینێكی‌ تری‌ ده‌رمانسازێك له‌سه‌ر كارمه‌ندانی‌ ته‌ندروستی‌ كه‌ كاری‌ نۆرینگه‌ ده‌كه‌ن كه‌ ئه‌و قین له‌دڵه‌ به‌ لاكۆڵان ناویان ده‌بات، یه‌كێك له‌و كارمه‌ندانه‌ی‌ تۆ به‌ تاوانبارو بێ‌ ره‌حم ناوی‌ ده‌به‌یت، كه‌ ئه‌م دنیاو ئه‌و دنیایان له‌خۆیان حه‌رامكردوه‌ له‌ ناحیه‌كی‌ ئه‌م هه‌رێمه‌ كاری‌ ده‌كرد ئێواره‌یه‌ك وه‌زیری‌ ته‌ندروستی‌ هه‌رێم و وه‌زیری‌ ته‌ندروستی‌ عیراقی‌ فیدراڵ سه‌ردانی‌ ئه‌و ناحیه‌یان ده‌كرد به‌نده‌ش وه‌ك راگه‌یاندن له‌گه‌ڵ وه‌فده‌كه‌ بوو، وه‌زیری‌ ته‌ندروستی‌ عیراق كه‌ حاڵی‌ ئه‌و كارمه‌نده‌ی‌ بینی‌ خه‌ریكی‌ ئاماده‌كردنی‌ نانی‌ ئێواره‌بوو، پرسیاری ‌كرد ئه‌و رۆژه‌ چه‌ند نه‌خۆشی‌ بینیوه‌ به‌پێی‌ تۆماری‌ ناوی‌ نه‌خۆشه‌كان 18 نه‌خۆشی‌ بینیبوو، وه‌ چاره‌سه‌ری‌ بۆ كردبوون هیچكام له‌و نه‌خۆشانه‌شی‌ ره‌وانه‌ی‌ سلێمانی‌ نه‌كردبوو، وه‌زیری‌ ته‌ندروستی‌ عێراقی‌ به‌ وه‌زیری‌ ته‌ندروستی‌ هه‌رێمی‌ ووت(ئه‌م كارمه‌نده‌ زیاتر له‌ ئێمه‌ خزمه‌تی‌ كردوه‌ ئه‌م كارمه‌نده‌ جێگای‌ رێز و ستایشه‌) هه‌ر له‌وێ‌ بری‌ 400 دۆلاری‌ پاداشتیكرد وه‌ به‌لێنی‌ پێدا له‌ماوه‌ی‌ هه‌فته‌یه‌كدا هه‌موو ئه‌ساسی‌ ماڵ و چێشتخانه‌ی‌ بۆ دابین بكات. ئه‌مه‌ بۆچون و بینینی‌ به‌رزترین ده‌سه‌ڵاتی‌ ته‌ندروستی‌ بوو به‌رامبه‌ر كارمه‌ندی‌ ته‌ندروستی‌ نه‌ك ئه‌وه‌ی‌ به‌ دزو جه‌رده‌ی‌ ناوبه‌رێت، كه‌ ئه‌و به‌رێزه‌ ئه‌وه‌نده‌ ویژدانی‌ ئازاردراوه‌ ئه‌وه‌ زۆر شوێن هه‌یه‌ خزمه‌ت بكات و له‌ جیات ئه‌و كارمه‌ندانه‌ بابچێت خزمه‌ت بكات نه‌ك له‌به‌ر سپلێت پاره‌ بژمێرێت. لاكۆلان بریتیه‌له‌: مانای پاره به باكردنی هه‌نێ كه‌سی نه شاره‌زا كه زانسته كه یان له كانیۆﻻ دانان و ته‌داوی كردن تێناپه‌رێ و مشه‌خۆری به سه‌ر گیرفانی خه‌ڵكه‌وه. ئه‌مه‌ش پێناسه‌ی‌ خاتونێكی‌ ده‌رمانساز كه‌ ناوی‌ پارێزراوه‌ له‌لای‌ به‌نده‌ له‌سه‌ر نۆرینگه‌كان، نۆرینگه‌یه‌ك مۆڵه‌تی‌ ره‌سمی‌ هه‌بێت، حكومه‌ت مۆله‌تی‌ دابێتی‌، كارمه‌ندێكی‌ ته‌ندروستی‌ به‌درێژایی‌ ته‌مه‌نی‌ خزمه‌ت بكات ئه‌گه‌ر دوای‌ ده‌وامی‌ ره‌سمی‌ كاربكات ده‌بێته‌ مشه‌خۆر و گیرفانی‌ هاوڵاتیان تاڵانبكات، له‌چ قوژبنێكی‌ ئه‌م دنیایه‌ گه‌ر ده‌وامی‌ ره‌سمی‌ كاری‌ دكتۆر و ده‌رمانساز بكه‌یت پیاوی‌ چاكی‌ به‌ڵام دوای‌ ده‌وامی‌ ره‌سمی‌ ببێته‌ مشه‌خۆر، مشه‌خۆر ئه‌وه‌یه‌ چه‌ند قات سوود ده‌خاته‌ سه‌رده‌رمان، مشه‌خۆر ئه‌وه‌یه‌ كه‌ مۆله‌تی‌ كاركردن ده‌فرۆشێته‌وه‌،مشه‌خۆر ئه‌وه‌یه‌ مه‌ندوبی‌ شه‌ریكه‌ی‌ ده‌رمان به‌سه‌ر دكتۆره‌كانه‌ بڵاوده‌كاته‌وه‌ له‌سه‌ر گیرفانی‌ هاوڵاتیان سه‌فه‌ری‌ سیاحی‌ بۆ پزیشكان رێك ده‌خات ته‌نها بۆ ئه‌وه‌ی‌ ده‌رمانی‌ كۆمپانیاكه‌یان سه‌رفبكرێت، مشه‌خۆر ئه‌وه‌یه‌ چه‌ند ده‌رمانخانه‌یه‌ك به‌ مۆڵه‌تێك بكه‌یته‌وه‌،مشه‌خۆر ئه‌وه‌یه‌ له‌سه‌ر جیاوازی‌ نرخی‌ ده‌رمان بدرێته‌ لیژنه‌و دادگا،مشه‌خۆر ئه‌وه‌نده‌ زۆره‌ گه‌ر نمونه‌ت ده‌وێت به‌ هه‌زاره‌ها ده‌خه‌ینه‌ به‌رده‌م رای‌ هاوڵاتیان به‌ڵام ئیستا كاتی‌ ئه‌وه‌نیه‌ ئیستا كاتی‌ تیمی‌ پشتگیری‌ ته‌ندروستییه‌ بۆ به‌ره‌كانی‌ زه‌وی‌ پیرۆز فه‌رموون گه‌ر ناویرن پاره‌كانتان ببه‌خشن. 1. له‌ژیر ناونیشانی ببوره‌ هاوڵاتی به‌رێز له‌ پێناو په‌راستنی ته‌ندروستیت وسه‌روه‌ری یاسا ئه‌مرۆ ده‌رمانخانه‌كان ناكه‌ینه‌وه.‌ ئه‌مرۆ گشت ده‌رمانخانه‌كانی سلیمانی كه‌ ١٣٥ده‌رمانخانه‌ن ، ده‌رمانخانه‌كانیان داخست وه‌ك ناره‌زاییه‌ك دژی بریاره‌ ناته‌ندروسته‌كانی وه‌زیری ته‌ندروستی. ده‌قی‌ سه‌ره‌تای‌ به‌یاننامه‌ی‌ لقی‌ سلیمانی‌ سه‌ندیكای‌ ده‌رمانسازان، له‌ناوه‌ندی‌ شاری‌ سلیمانیدا 135 ده‌رمانخانه‌ هه‌یه‌، له‌گه‌ڵ میوانێكی‌ نه‌رویجی‌ وه‌ك وه‌فدێك هاتبوو بۆ هه‌رێم به‌نده‌ وه‌ك كاری‌ راگه‌یاندن و وه‌رگێر له‌گه‌ڵیدا بووم كه‌ به‌ شه‌قامی‌ گۆران تێپه‌رین ئه‌و میوانه‌ سه‌رسام بوو له‌بونی‌ ئه‌و هه‌موو ده‌رمانخانه‌یه‌، به‌منی‌ ووت دیاره‌ شاره‌كه‌تان هه‌مووی‌ نه‌خۆشه‌ ده‌رمانخانه‌ له‌ هه‌موو پیشه‌كانی‌ تر زیادتره‌، گه‌ر هه‌ر پسپۆرێكی‌ ئابوری‌ و شارستانی‌ سه‌یری‌ ئه‌م شه‌قامه‌ بكات تێده‌گات چ كاره‌ساتیكه‌، ووته‌بێژی‌ لقی‌ ده‌رمانسازان له‌ كه‌ناڵی‌ سه‌ته‌لایتی‌ (....) له‌ شیكردنه‌وه‌ی‌ هه‌واڵه‌كانی‌ ئه‌و مانگرتنه‌ دانی‌ به‌وه‌دا نا ئه‌و رۆژه‌ی‌ مانیان گرتوه‌ داهاتی‌ بازرگانی‌ ده‌رمانی‌ ئه‌و 135 ده‌رمانخانه‌یه‌ له‌و رۆ‌ژه‌دا برێك بوو كه‌ جورئه‌ت ناكه‌م باسی‌ بكه‌م هه‌ر لێره‌وه‌ داوا له‌ داواكاری‌ گشتی‌ به‌ریز ده‌كه‌م له‌بری‌ خه‌یاڵی‌ ئه‌و داهاته‌ بكۆڵێته‌وه‌، چونكه‌ هیچ پیشه‌یه‌ك نیه‌ له‌م هه‌ریمه‌ به‌وبره‌ بازرگانی‌ بیت له‌ شاریكدا بۆ ماوی‌ رۆژیك. 1. ڕوونکردنەوە تکایە ئەو کارمەندانەی کە عیادەیان نیە خۆیان جیا بکەنەوە لەگەڵ ئەوانەی کە هەیتیان، ئێمە رەخنە و گلەیی یەکانمان ئاراستەی ئەو عیادانە دەکەین کە لە گەڕەکەکان هەیە، کە هیچ پەیوەندیەکی بە زانستەوە نیە بەڵکو زوڵمێکی ترە لە هاووڵاتیان دەکرێت. حکومەت پێویست دەکات دکتۆر دابین بکات بۆ هاووڵاتیان و نەخۆشخانەکان بە شێوازێکی مرۆڤانە پێشوازی لە نەخۆش بکات نەوەکو بەو شێوەیەی کە ئێستا هەیە. ئه‌مه‌ش ده‌قی‌ رونكردنه‌وه‌ی‌ ده‌رمانسازێكی‌ تره‌ كه‌ ئه‌وه‌نده‌ ته‌شهیری‌ به‌ كارمه‌ندان كردوه‌ خۆی‌ په‌شیمان بۆته‌وه‌ ده‌یه‌ویت عوزر و پاكانه‌ بۆ جنێوه‌كانی‌ بینیته‌وه‌ ئه‌م جاره‌ ده‌یه‌وێت درز بخاته‌ ناو كارمه‌ندانی‌ ته‌ندروستیه‌وه‌،به‌ڵام بیستومانه‌ عوزر له‌ فه‌باعه‌ت حراپتره‌، كارمه‌ندی‌ ته‌ندروستی‌ هه‌ر هه‌مان كارمه‌ندی‌ ته‌ندروستیه‌ كه‌ له‌ نورینگه‌كان كارده‌كه‌ن ،هه‌ر هه‌مان كارمه‌ندی‌ ته‌ندروستیه‌ كه‌ كاری‌ ده‌رمانسازه‌كان به‌رێوه‌ ده‌بات له‌و شوێنانه‌ی‌ كه‌ ده‌رمانساز بونیان نیه‌، ئێستاشی‌ پێوه‌بێت ئه‌و ده‌رمانانه‌ی‌ كه‌ له‌ باشوره‌وه‌ دێت بۆ هه‌ریم له‌لایه‌ن كارمه‌ندی‌ ته‌ندروستیه‌وه‌ ده‌هێنرێت كه‌ ده‌بوایه‌ به‌پێی نوسراوی‌ ره‌سمی‌ وه‌زاره‌تی‌ ته‌ندروستی‌ عیراق بێت ده‌بێت ده‌رمانساز( نه‌ك پزیشكی‌ ده‌رمانساز كه‌ له‌ هه‌رێم ئه‌م پاشگری‌ دكتۆره‌یان بۆخۆیان زیادكردوه‌) ئه‌م كاره‌ بكات ،خێره‌ ئه‌م كاره‌ كارمه‌ندی‌ ته‌ندروستی‌ بیكات ئایا كاریگه‌ری‌ خراپی‌ نیه‌ له‌سه‌ر ته‌ندروستی‌ هاوڵاتیان وه‌ك خۆیان بالۆره‌ی‌ بۆ ده‌كه‌ن . دوابه‌شی‌ بابه‌ته‌كه‌م له‌سه‌ر مۆندیالی‌ ده‌رمان فرۆشتن راسته‌ من كارگیری‌ لقی‌ سلێمانی‌ سه‌ندیكای‌ كارمه‌ندانی‌ ته‌ندروستیم و به‌ناو ووته‌بێژی‌ لقه‌كه‌م ده‌شیت كارمه‌ندانی‌ ته‌ندروستی‌ گله‌یی‌ ئه‌وه‌م لێبكه‌ن بۆچی‌ ئه‌م ماوه‌یه‌ وه‌ك جاران وه‌ك پێویست نه‌متوانیوه‌ به‌رگریتان لێبكه‌م ، من هه‌ر له‌سه‌ره‌تاوه‌ به‌رنامه‌ی‌ خۆم ئاراسته‌ی‌ ده‌سته‌ی‌ كارگێری‌ لق و لێپرسراوی‌ لق كردوه‌، له‌ كۆبونه‌وه‌ی‌ فراوانی‌ نۆرینگه‌كانیش ئه‌و پلانه‌م ئاشكراكردوه‌، ئێستاش ده‌لێم گه‌ر ئه‌و پلانه‌ جێبه‌جێ‌ بكرایه‌ ئه‌و هه‌موو ته‌شهیر و ناحه‌قیه‌ به‌ كارمه‌ندانی‌ ته‌ندروستی‌ سلیمانی‌ نه‌ده‌كرا به‌تایبه‌ت له‌ راگه‌یاندنه‌كاندا، لیره‌وه‌ هه‌ڵوێستی‌ كاك جه‌بار به‌ هه‌ند دێنمه‌وه‌ یادتان كه‌وه‌ك نه‌قیبی‌ سه‌ندیكا زۆر كاری‌ له‌سه‌ر ئه‌م به‌رگریكردنه‌ كرد، به‌لام به‌راستی‌ لقی‌ سلیمانی‌ زۆر بیتوانابوو له‌و به‌رگریكرنه‌، وه‌ نه‌هیلرا به‌هه‌ر مه‌به‌ستیك بوبیت پلانه‌كه‌ی‌ به‌نده‌ش جێبه‌جێ‌ بكرێت، هه‌ربۆیه‌ داوای‌ لێبوردن ده‌كه‌م له‌ هاوپیشه‌كانم ده‌كه‌م به‌لام سورم له‌سه‌ر به‌رگری‌ كردن هه‌ر بۆنمونه‌ی‌ لای‌ به‌رێزتان یه‌كیك له‌و پزیشكانه‌ كه‌ ناوی‌ پارێزراوه‌ لای‌ به‌نده‌ زۆر ناره‌وا هێرش ده‌كاته‌ سه‌ر به‌نده‌و به‌م جۆره‌ له‌ رسته‌یه‌كدا نامه‌م بۆ ده‌نیریت ((زۆر بی‌ به‌رنامه‌یه‌ت ئه‌گینا حه‌زم ده‌كرد ده‌نگت بۆ بده‌م باوه‌رت هه‌بێت، به‌ڵام هه‌ر ئه‌وه‌یه‌ دژی‌ دكتۆر و هیچی‌ تر)) وه‌ڵامی‌ من كه‌ وه‌لامم داوه‌ته‌وه‌ (ببوره‌ به‌ریز به‌ هه‌له‌ له‌من تێ‌ گه‌یشتویت من دژی‌ دكتۆر نیم له‌به‌رئه‌وه‌ی‌ ئێمه‌ به‌یه‌كه‌وه‌ كارده‌كه‌ین من دووسال سكرتێری‌ نوسینی‌ گۆڤاری‌ پزیشكی‌ بووم به‌لام دژی‌ هه‌موو سته‌مێكم) به‌شێكی‌ كه‌م له‌ وه‌ڵامی‌ ئه‌و پزیشكه‌(وانیه‌ ببوره‌ به‌ به‌لگه‌وه‌ بۆت ده‌سه‌لمێنم كه‌ چۆن كه‌وتویته‌ گیانی‌ دكتۆر)
ژماره‌ی بینین:
1511
به‌روار:
07/07/2014
بیروڕاکان
هیچ داتایه‌ک به‌رده‌ست نیه‌ .
کۆمێنتی خۆت بنێره‌